LEHIAKETAREN OINARRIAK – GastroHaziak

LEHIAKETAREN OINARRIAK

1. HELBURUA

Lehiaketa honen helburua da ikasleak sentsibilizatzea gastronomia jasangarriak Euskadin duen garrantziaz; tokiko elikagaien balioa eta gure lurraldeko lehen sektoreko profesionalen lana eta profesional horiek gure inguruneari eta gizarteari egiten dizkioten ekarpenak aintzat hartuko dituen gastronomia.

2. BIZTANLERIA HARTZAILEA

Lehiaketa hau Euskadiko ikastetxeetako Lehen Hezkuntzako 5. eta 6. mailako ikasleei zuzenduta dago.

3. IZENA EMATEKO EPEA ETA MODUA

Izena emateko epea 2024ko irailaren 17tik urriaren 17ra izango da.

Web-plataformaren bidez emango da izena, “Eman izena” atalean. Atal horretan formulario bat bete beharko da, eta bertan argi eta garbi adierazi beharko da izen-emailea zein ikastetxetakoa den zein eskola-mailatakoa den, baita taldeko irakasle arduradunaren harremanetarako datuak ere.

Ikasgela gisa parte hartzen da (adibidez: 5. A) eta halakotzat eman behar da izena. Ikasgela bakoitzak aukera izango du lehiaketan zehar identifikatuko duen goitizen edo “ezizen” batekin identifikatzeko. Izen hori izena emateko prozesu horretan ere adieraziko da.

Gehienez 50 ikasgelak eman ahal izango dute izena. Hortaz, izena emandako ikasgelen kopurua gaindituz gero, izena eman den hurrenkera hartuko da kontuan.

Zalantzarik izanez gero, web-plataforman lehiaketaren arduradunekin harremanetan jartzeko formulario bat dago.

Online informazio-saio bat eskainiko da izena emandako gelentzat, lehiaketa hasi aurretik.

4. PARTE HARTZEKO MODUA

GASTRO HAZIAK web-lehiaketa bat da, 2024ko azaroaren 4an hasi eta 2025eko maiatzaren 14an amaitzen dena.

Lehiaketan zehar, parte hartzen duten ikasgelek programaren web-plataforman egin beharko dituzte proposatutako jarduerak. Irakasleek taldeen parte-hartzea gidatu eta gainbegiratu beharko dute.

Jarduerak 4 eduki-modulutan (erronkak) banatuta daude. Erronka bakoitza webgunean gaituko da, ondoren agertzen den taulan jasotako epeen arabera. Erronka horretako lanak entregatzeko azken eguna iritsitakoan, jardueren entrega desgaituko da, baina moduluak aktibo jarraituko du lehiaketa osoan.

Erronka bakoitzaren epeak taula honetan agertzen dira:

	Jarduerak egiteko epea	Lanak entregatzeko azken eguna
1. erronka. Elikagaien jatorria	2024ko azaroaren 4tik abenduaren 9ra	2024ko abenduak 9
2. erronka. Lurretik azokara	2025eko urtarrilaren 7tik otsailaren 21era	2025eko otsailak 7
3. erronka. Kultura gastronomikoa	2025eko otsailaren 10etik martxoaren 21era	2025eko martxoak 21
4. erronka. Errezeta jasangarriak eta osasungarriak	2025eko martxoaren 24tik maiatzaren 14ra	2024ko maiatzaren 24a

Erronka bakoitzean jarduera bat proposatzen da, eta lehiaketaren oinarrietako 5.atalean deskribatutako irizpideen arabera baloratuko da.

Jarduera entregatzean kontuan hartu beharreko alderdiak:

• Ezarritako entrega-epearen barruan jasotako lanak bakarrik onartuko dira.

• Erronka baten jarduera egin dela jasota ez uzteak erronka horretan punturik ez lortzea ekarriko luke.

• Proposatutako jarduera bakoitzeko lan bakarra onartuko da lehiaketarako. Lan horrek parte hartzen duen gela osoa ordezkatuko du. Jarduera bakoitzeko dokumentu bat baino gehiago entregatuz gero, entregatutako azken lana baloratuko da.

• Entregatu beharreko azken lana (4. erronkari dagokiona) ikasgelako elkarlaneko errezeta-bilduma bat izango da, programaren mezuak eta balioak integratuko dituena.

• Lanak gaztelaniaz edo euskeraz aukeztu ahal izango dira.

HAZIk ez du bere gain hartuko lehiaketara aurkezten diren lanen edukiaren ardura. Beraz, parte hartzen duten ikastetxeen erantzukizuna izango da, ez beste inorena, Legeak jasotzen dituen eskubideak zaintzea (irudi-eskubideak, hirugarrenen eskubideak…) eta eskubide horiek errespetatzen direla bermatzeko behar diren baimenak eta dokumentazioa izatea.

Parte hartzen duten taldeek beren puntuazio-rankinga ezagutu ahal izango dute plataformaren eremu pribatuan, eta erronka bakoitza amaitu oneta hurrengo egunetan eguneratuko da.

Web-lehiaketa amaitzean, puntuaziorik handiena duten hiru ikasgelak lehiaketako hiru talde irabazletzat hartuko dira. Haiek “Gastro Haziak Esperientzia” eta ikasle eta irakasleentzako opariak izango dituzte.

Berdinketa izanez gero, elkarlaneko errezeta-bilduma lortutako puntuaziorik altuena hartuko da kontuan, eta, ondoren berdinketak jarraitzen badu, epaimahaiak azken lan horren aurkezpena berriro kalifikatuta ebatziko du.

Parte hartzen duten talde guztiei azken sailkapenaren berri emango zaie, bai web-plataformaren bidez, bai posta elektroniko bidez, puntuazioa edozein dela ere.

5. BALORAZIO-IRIZPIDEAK

Erronka bakoitzean entregatutako jarduerak baloratzeko irizpideak honela puntuatuko dira:

IRIZPIDEAK	PUNTUAZIOA Gutxieneko puntuazioa EZ DA BATERE EGOKIA izango da, eta gehieneko puntuazioa, GUZTIZ EGOKIA.
1. MEZUA: lana egokitzea erronkaren eduki espezifikoa islatzeko eta programaren balioak transmititzeko. Ebaluatu beharreko eduki zehatzak erronka bakoitzaren jardueran definituta daude.	0tik 20ra
2. Aurkeztutako lanaren SORMENA eta ORIGINALTASUNA.	0tik 5era
3. Aurkezpenaren eta idazketaren KALITATEA.	0tik 5era
4. TALDE-LANA: talde-lana agerian uzten duten lanak puntuatuko dira; adibidez, aurkeztu beharreko lana definitzeko erabilitako metodologiaren deskribapena, zereginen/rolen banaketa, koordinazioa, akordioak lortzeko gaitasuna…	0tik 3ra
5. GENERO-BERDINTASUNA: horrez gain, hizkuntza eta irudi ez-sexistak erabiltzea, genero-rolak ez erreproduzitzea, egindako lanean genero-hausnarketa egitea eta abar puntuatuko dira, emakumeen eta gizonen arteko desberdintasunak murrizteko.	0tik 2ra

6. SARIAK

Parte-hartzaileentzako oparia

Ikasgela guztiek parte-hartze diploma bat eskuratuko dute, web-orriaren bidez deskarga daitekeena.

Irabazleentzako opariak

Hiru ikasgela finalistek “GASTRO HAZIAK ESPERIENTZIA” lortuko dute sari gisa. Esperientzia horretan, Euskadiko elikadura-azoka batera bisita eta sukaldaritza tailer bat egingo dira. Jarduera hauek bi profesionalek gidatuko dituzte: baserritar batek eta sukaldari batek, beren esperientzia eta ezagutza aditua emango dutenak, ikasleak Euskadiko gastronomia jasangarriaren protagonista izan daitezen.

Bisitaren eta tailerrraren data zehatza ikastetxearekin adostuko da, bisitatu eta erabili beharreko guneetan egon daitezkeen baldintzatzaileetan oinarrituta. Hala ere, data hori ekainean izango da, eta beti goizeko eskola-orduetan.

Ikasle bakoitzak GASTRO HAZIAK amantal bat eta txano bat jasoko ditu. Eta talde horietako bakoitzeko irakasle arduradunek GASTRO HAZIAK amantala eta Euskadin ziurtatutako kalitatezko produktuen saski bat ere jasokoko dituzte. Horrez gain, hiru ikasgela irabazleei talde irabazlearen diploma bat eta txapela bat emango zaizkie.

Hautatutako azokara lekualdatzea HAZIren kontura izango da.

Talde irabazleren batek sariari uko egitea erabakitzen badu, saria azken puntuazio handiena duen hurrengo taldeari eskainiko zaio.

Jarduerak irauten duen bitartean, lehiaketaren oinarren 7. atalean deskribatutakoaren arabeko irudiak hartuko dira, eta, beraz, jarduera hasi aurretik, parte hartzen duten ikastetxeek idatziz baieztatu beharko dute esperientzia horretara joaten diren adingabeen irudi-baimenak badituztela. Eta elikagaiak manipulatu eta kontsumituko direnez, ikastetxeak ikasleen balizko elikagaiekiko intolerantziei eta alergiei buruzko informazioa ere eman beharko du.

7. LEGEZKO GAIAK

Datuen babesa

Lehiaketan parte hartzeko bildu beharreko datu pertsonalak datuen babesaren arloan indarrean dauden araudietan ezarritakoaren arabera tratatuko dira; hau da, datu pertsonalen tratamenduari eta datu horien zirkulazio askeari dagokienez pertsona fisikoak babesteari buruzko apirilaren 27ko 2016/679 (EB) Erregelamenduan eta Datu pertsonalak babesteari eta eskubide digitalak bermatzeari buruzko abenduaren 5eko 3/2018 Lege Organikoan ezarritakoaren arabera.

Formularioen bidez lortutako datuak lehiaketan parte hartu ahal izateko ezinbesteko gutxienekoak izango dira. Informazio hori ez da erabiliko jarraian deskribatutakoaz bestelako helburuetarako.

GASTRO HAZIAK - KULTURA GASTRONOMIKOA SUSTATZEKO PROGRAMARI BURUZKO INFORMAZIO-POLITIKA
Arduraduna	Nor da zure datuen tratamenduaren arduraduna? HAZI FUNDAZIOA Helbidea: Granja Modeloa, z/g, 01192 Arkaute, Araba Telefonoa: 945 00 32 40 Helbide elektronikoa: lopd@hazi.eus
Xedea	Zertarako tratatzen ditugu zure datuak? Ikastetxeetan kultura gastronomikoa sustatzeko programako jardueretan izena ematea/Gastro Haziak Euskadin nekazaritzako elikagaien kontsumo tokiko eta arduratsua sustatzea, Lehen Hezkuntzako 5. eta 6. mailako ikasleen parte-hartzearekin. HAZI FUNDAZIOAK antolatu eta parte hartzen duen nekazaritza eta abeltzaintza sektorea suspertzeko jardueren barruan sartutako programa. Erakundearen jarduerari buruzko informazio informatiboa bidaltzea. Egindako jarduera dela-eta lortutako ikus-entzunezko materiala harrapatzea.
Legitimazioa	Zer legitimazio du zure datuen tratamenduak? Hazi Fundazioak bere estatutuetan oinarritutako botere publikoak erabiltzea bere jarduketa-esparruan lehiakortasuna, iraunkortasuna eta berrikuntza sustatzeko, sustatzeko eta garatzeko jarduerak egiteko, lehen sektorea barne hartzen duena (nekazaritza, abeltzaintza, arrantza eta basogintza, landa eta kostaldeko eremuak eta elikagaien industria: Datuak Babesteko Europako Erregelamendu Orokorraren 6.1.e) artikulua. Ikus-entzunezko materiala harrapatzeko baimena: Datuak Babesteko Europako Erregelamendu Orokorraren 6.1.a) artikulua.
Hartzaileak	Zein kasutan jakinaraziko ditugu zure datuak? Eusko Jaurlaritzako Ekonomiaren Garapen, Iraunkortasun eta Ingurumen Sailari.Lortutako ikus-entzunezko materiala HAZI FUNDAZIOAREN webgunearen, sare sozial, profesional eta sektorialen, buletinak eta sare sozialen bitartez zabaldu ahal izango da. Arau batean berariaz ezartzen diren beste zeregin batzuk.
Nazioarteko transferentziak	Zein kasutan egiten dira? Datuak kudeatzeak ez du esan nahi datu horien nazioarteko transferentziak egin behar direnik.
Datuak gordetzea	Zenbat denboran gordeko ditugu zure datuak? Datu pertsonalak kasuan kasuko jarduera kudeatzeko behar den denboran zehar gordeko ditugu. Datuak blokeatu egingo dira eta horiek eskuratzeko aukera murriztu egingo da ekitaldiari dagokion espedientea artxibatzean, eta blokeatuta jarraituko dute berariazko araudi aplikagarriak eskatzen dituen preskripzio-aldietan, eta, oro har, kudeaketatik eta, batez ere, datu pertsonaletatik eratorritako erantzukizunak eskatzearekin lotutako preskripzio-aldietan. Ikus-entzunezko materiala egiteko eta hedatzeko datuen tratamenduak pertsonak uko egin arte kudeatuko dira, erakundeak jabetza intelektualaren eta datuen babesaren arteko konfrontazioa egin ondoren. Hala ere, erakundeak ikus-entzunezko materiala egiteko eta hedatzeko edukiak ezabatu edo eguneratu ahal izango ditu
Eskubideak	Zein eskubide izango dituzu zure datuak ematen dizkiguzunean? Interesdunek eskubidea dute HAZI FUNDAZIOA beren datu pertsonalak tratatzen ari den jakiteko. Zehazki, euren datu pertsonalak atzitzeko eskubidea dute, baita okerrak diren datuak zuzentzeko edo, hala badagokio, horiek ezabatzeko ere, besteak beste, datuak jaso ziren helburuetarako beharrezkoak ez direnean. Tratamendua pertsonaren baimena lortzean oinarritzen denean, pertsona horrek baimena baliogabetzea eskatu ahal izango du, baina baliogabetze horrek ez du eraginik izango adierazpen horren aurretik egindako tratamenduan. Egoera jakin batzuetan, interesdunek euren datuen tratamendua mugatzea eskatu ahal izango dute eta, kasu horretan, erreklamazioak egiteko edo horien aurrean defendatzeko bakarrik gordeko ditugu. Pertsona interesdunak bere eskubideak erabil ditzake, bere eskaera arduraduna identifikatzen den atalean adierazitako posta-helbidera edo helbide elektronikora bidaliz: Granja Modelo, z/g, 01192 Arcaute, Álava edo electrónika lopd@hazi.eus. Erreklamazio bat aurkez dezakezu Datuak Babesteko Euskal Bulegoan, bereziki zure eskubideak erabiltzean asebeteta sentitu ez bazara, Agentziaren webgunean adierazitako posta-helbidean eta/edo helbide elektronikoan.
Segurtasuna	Datuak modu konfidentzialean tratatuko dira, eta segurtasun-neurri tekniko eta antolakuntza-neurri egokiak hartuko dira, datuak baimenik gabe ez aldatzeko, galtzeko, tratatzeko edo atzitzeko. Ezarritako segurtasun-neurriak (teknikoak eta antolakuntzakoak) bat datoz Administrazio Elektronikoaren esparruan Segurtasun Eskema Nazionala arautzen duen maiatzaren 3ko 311/2022 Errege Dekretuan aurreikusitakoekin. Segurtasun-neurri horiek HAZI FUNDAZIOAren datuak babesteko eta informazioa segurtatzeko politika osatzen duten dokumentuetan deskribatuta daude.

Lehiaketan izena emateak aurretik azaldutakoa onartzea dakar berekin.

Irudia eta ahotsa lagatzea

Izena emateko, ezinbestekoa da ikastetxeek ikasleen irudia eta ahotsa lagatzeko behar diren baimenak izatea, aurkeztutako lanetan nahiz lehiaketaren azken fasean egiten diren grabazioetan eta irudi-hartzeetan ager daitezke eta.

Lehiaketan parte hartzeko, lehiaketaren oinarri hauek eta Pribatutasun Politika berariaz onartu beharko dira. Beraz, izena emate hutsarekin, ikastetxeek berretsi egiten dute baimen horiek badituztela, eta erantzukizunetik salbuesten du Hazi Fundazioa baimen horiek aldez aurretik ez lortzeak ekar ditzakeen ondorioetatik.

Azokara egindako bisitan, sukaldaritza-lantegian eta sari-banaketan hiru gela finalistentzat egindako argazki edota grabazioak HAZIren komunikazio-kanaletan agertu ahal izango dira, bere sentsibilizazio-proiektuak ezagutarazteko eta sustatzeko. Horretarako, jarduera hauetan parte hartzen duten ikasleen amak eta/edo aitak baimena sinatu beharko du.

Adingaberen baten kasuan baimen hori ez badago, ikastetxeak izango du irudi edo grabazioetan ez agertzeko ardura.

Jabetza intelektualaren eta industrialaren eskubideak

Ikastetxeek ziurtatu beharko diote HAZIri lehiaketan parte hartzearen emaitza modu baketsuan erabiliko duela, eta, hala badagokio, beren burua behartzen dute lehiaketan parte hartzen duen edozein elementuren gaineko lizentziak eta eskubideak legez eta baimendutako iturrietatik lortzera.

Horrela, ikastetxe horien ardura izango da hirugarrenen jabetzakoak diren eta ikasleek entregatzen dituzten lanetarako erabiltzen dituzten irudiak, musika, bideoak… eskubideetatik aske egotea edo haien erabilerari eta helburuei dagokienez exijitutako baldintzak betetzea.

Horrela, Hazi Fundazioa erantzukizunetik salbuesten du eskubide horien urrakortasunagatik hirugarrenek egindako erreklamazioei dagokienez.

Lege-oinarriak onartzea

GASTRO HAZIAK lehiaketan izena emateak esan nahi du oinarri hauek irakurri eta onartu direla, baita bere web-plataforman dauden Lege Abisuari, Pribatutasun Politikari eta Cookie Politikari buruz emandako informazioa ere.

HAZI Fundazioak eskubidea izango du oinarri hauetan aldaketak egin ahal izateko, betiere aldaketak justifikatuta badaude edo parte hartzen duten taldeei kalterik eragiten ez badiete; lehiaketaren indarraldian egiten bada, behar bezala jakinaraziko zaie parte hartzen duten ikastetxeei.

8. LANAK ESKURAGARRI IZATEKO BAIMENA

Lehiaketaren emaitzaren eta partaidetzaren gaineko jabetza HAZIrena izango da, alde batera utzi gabe Jabetza Intelektualaren Legearen testu bategina onartzen duen apirilaren 12ko 1/1996 Legegintzako Errege Dekretuan ezarritakoaren arabera egile-eskubideak.

Hori horrela, lehiaketan aurkeztutako lan guztiak HAZIrentzat eskuragarri geratuko dira, eta hark baimena izango du lan horiek erreproduzitzeko, banatzeko eta jendaurrean jakinarazteko, egoki iritzitako moduan eta xedearekin. Bereziki, HAZIk lehiaketara aurkeztutako lanak erabili ahal izango ditu programaren oraingo edo ondorengo edizioetan sortzen den edozein material ilustratzeko. Horrek guztiak ez du lehiakideentzako inolako ordainsari-eskubiderik emango.

Legezko Oharra / Pribatutasun Politika / Cookien Politika

Edit Template